حلب

قلعة حلب

حلب هى أكبر مدينة فى سوريّا فى عدد السكان.

ملاحظة: المقال ده بالذات مكتوب بالحلبي.

حلب أكبر مدينة بسوريّا و هى مركز محافظة حلب يلي هى أكبر محافظات سوريا من ناحية عدد الخلق, و هي شمال مغرّب سوريّا على بعد 310 كيلو متر من الشام "دمشق".

أصل التسمية: خيو هى فرضية وحدة من كومة فرضيات عن معنات اسم حلب بينقال بالعربي حلب الشهباء بيقسدو بالشهباء البيضة و لأنو حجارا لحلب بيضة و حلب اسما الأصلي سرياني و هو حلبا و بس بقولوا حلب مشان يسهلوا اللفظ و و ما يطولوا فيو, منرجع للموضوع و حلبا متل ما قلنا كلمة سريانية بس معناتا البيضة يعني عادي نفس الشي بالعربي الشهباء مشان حجارتها البيضة ما اختلف المعنى نفسو غلق.

التأسيس: حسب اليونسكو أنو حلب أقدم مدينة معجوقة بالخلق من طنعش ألف و ميتين سنة قبل ميلاد المسيح.

المناخ منقدر منقول أنو جوٌا لحلب شبه قارّي بسبب الجبيل يلي بلزق البحر يلي هى جبال الأمانوس و جبال اللادقية يلي ما بتخلي الجوي المتوسطي المعتدل يجي على المدينة و معدل درجات الحرارة بين الـ 18 و الـ 16 درجة مئوية و متوسط نزول المطر بين الـ 350 و 400 مليمتر بالسنة الوحدة لك 80% من المطر بين شهر تشرين التاني و آذار و الباقي بكون بأول الخريف و آخريت الربيع لأنو الصيف شوب كتير و مافي نسمة هوا و جاف مشان سلسلة الجبال تبعيت البحر لهيك الدنا جافة بالشتا اما مشان التلجات و البوردة بتكون بالكوانين و شباط يعني تلجة تلجتين بالسنة و معدل الرطوبة السنوي 58%.

محبّة الخلق لبعضا متل ما قلنا بالأول أنو حلب هلق أكتر ميدنة فيا خلق بالوطن الغالي و بحلب فى كتير أعراق و أديان و طوائف مثلاً فى العرب و الأكراد و الأرمن و الشركس و التركمان و الآشوريين و السريان و غيرون و غيراتون ففي محبة كتير بين هدولة الأعراق و الأديان و من زمان كتير بتتميز حلب بالتنوع و المشاركة و مساعدة الأعراق كافة لبعضا بشكل كتير حلو و هو مضرب للمثل فالشرق الأوسط.

اللغة البستخدموا أهل هالمدينة بتميزوا الحلبية بلهجة محلية مختلفة اختلاف كبير عن العربية, لك حتى الشاميّة يعني مييزة و كتير حلوة و فيها مفردات تركية و سريانية و عربية و شوي قليلة كتير فرنسية و كلمات تانية غيرا و هى شوية مفردا باللهجة الحلبية الحلوة:

سيوي: مستقيم.

قنضرة: حذاء.

دوينات: كفوف.

لصطيكة: مطاطة.

مصراط: نقود.

جدبة: أحمق فى حال الشتم و مجنون فى حال المرض.

طاول: أبداً.

معلاق: غليظ, و معلاق مطجّن للمُبالغة.

خلق: عالم.

خيو: أخي للشخص الغريب و تعني أحياناً صديقي و مؤنثها خيتو.

خاي: اخي للاخ الحقيقي من العائلة و فى بعض الأوقات تقال لقصد الصديق و مؤنثها خيت.

أبوي: ابي.

يوب: ايضاً ابي.

يوم: معناها بكل العالم العربي 24 ساعة إلا فى حلب تأتي بمعنى أمي.

سكرتون: خزانة اللبس.

السلاتة: أداة لسلت الماء من عالأراضي وقت الشطف, أو القشطاة.

السحّابة: الدرج.

خورية: المنشفة.

أرمغان: هدية و تلك الكلمة تركية.

شّنق: صحن.

شّمشّاية: مغرفة لصب الطعام.

فرتيكة: الشوكة.

تا: تعال.

رو: اذهب

را: ذهب.

بروك: اجلس.

اما بالنسبة لأدوات الإستفهام:

إشو: ماذا؟

إشي: ايضاً ماذا

منو: من؟

ليش: لماذا؟

وين: أين؟

أيمت: متى؟

شلون: كيف؟

شقد: كم؟

اما بالنسبة لأدوات الإشارة:

كُهْنِة: للمذكر القريب.

كِهنِة: للمؤنث القريب.

كُوهاك: للمذكر البعيد.

كِهاك: للمؤنث البعيد.

فيه فايلات فى تصانيف ويكيميديا كومونز عن:

حلب