قناة LBC

قناة LBC (Lebanese Broadcasting Corporation) او المؤسسة اللبنانية للارسال هي اول قناة خاصة في لبنان. ابتدى عرضها عالميا 1996 وغضت الشرق الاوسط، ودلوقتي ليها قنوات كتيرة بتغطي اوروبا وامريكا واستراليا ومنطقة افريقيا جنوب الصحرا. دلوقتي، القناة تبقى واحدة من اشهر القنوات في لبنان.

تاريخ

البدايات

المؤسسة اللبنانية للارسال (ال بي سي) انطلق بثها في لبنان يوم 23 اغسطس عام 1985. كانت أصلا من بنات أفكار بشير الجميل، زعيم القوات اللبنانية. في الوقت دة، المحطة بشكل عام كانت بتعبر عن صوت عن الشارع المسيحي اللبناني، وبالتحديدي القوات اللبنانية. الحرب الأهلية اللبنانية كانت في الوقت دة عمرها عشر سنين وكان اي حل شكله ساعتها كان بعيد. ساعتها كان لبنان فيه اضطرابات سياسية ومواجهات عسكرية، ويأس شعبي.

فترة الحرب الاهلية

في فترة الحرب الاهلية، الال بي سي كانت زي اداة في ايد القوات اللبنانية فالقناة كانت هدف دايما من الناس اللي بيعارضوا القوات. في 1989، الفوصى في لبنان اتحولت للأسوأ بعد من القوات اللبنانية رفضت انها تنصاع لقائد الجيش اللبناني الجنرال ميشيل عون اللي اعلن بعدها حرب التحرير. مبنى المؤسسة اللبنانية للإرسال كان مستهدف على طول من قصف عنيف اللي شد لمدة ستة أشهر من غير انقطاع. طوال ذلك الوقت ، كل الموظفين نقلوا المعدات للدور التحتاني وعملوا مكاتب مؤقتة. واثناء قتال عنيف في 1990، مكاتب المؤسسة اللبنانية للإرسال كانت مستهدفة مرة تانية والمرة دي خدت ضربات مباشرة في تبادل قصف مدفعي. وغير القصف، ال بي سي فقدت واحد من المصورين، اللي اتقتل بالرصاص وهو بيشتغل.